Општинската организација на ГРОМ денеска на пресконференција побара од градоначалникот на Куманово да не ја вовлекува општината во политички игри , туку да ја заштити како единица на локална самоуправа која со закон и статут има определени надлежности. ГРОМ обвини дека во Куманово, за разлика од протестите во Скопје, раководството на општината е главен организатор на шарената револуција.
ГРОМ целосно се согласува и ги поддржува сите граѓани кои што се незадоволни или пак се задоволни од тоа како функционира централната власт и во државата и тоа свое мислење на мирен начин го изразуваат по улиците во Скопје и останатите градови, додаде Емилија Арсиќ од ГРОМ.
За членовите на ГРОМ протестите организирани од Социјалдемократскиот сојуз претставуваат „увезена револуција“.